Ordu.az xəbər verir ki, Hindistanın müdafiə naziri Racnath Sinqh bunu Hindistan və Rusiya arasında çoxillik dostluqda mühüm mərhələ adlandırıb.

Nazir iki ölkənin qarşılıqlı etimad və xüsusi, strateji imtiyazlı tərəfdaşlıqla bir-birinə bağlı olduğunu deyib.

INS “Tushil” adı verilən “Project 1135.6” sinfinə məxsus hərbi gəminin mərasimi bu ayın əvvəlində Kalininqraddakı “Yantar” Gəmiqayırma Zavodunda baş tutub.

Döyüş gəmisi əvvəlcə Rusiya Hərbi Dəniz Qüvvələrinə qoşulmalı idi, lakin 2016-cı ilin oktyabrında Hindistan 2 freqat üçün müqavilə bağladıqdan sonra Dehliyə yönləndirilib. Qardaş gəmi INS “Tamala”nın 2025-ci ilin birinci rübündə təhvil veriləcəyi gözlənilir.

Sevinc Əliyeva
Ordu.az