Ordu.az xəbər verir ki, bu barədə Tayvan administrasiyasının Müdafiə Nazirliyinin açıqlamasında bildirilib.

Açıqlamada qeyd olunub ki, 38 tank qəbul edilib və Hsinçu əyalətindəki Zirehli Birliklər Təlim Komandanlığına göndərilib.

Vurğulanıb ki, tanklarla birlikdə 4 ədəd M88A2 modelli zirehli yedək vasitəsi də təhvil verilib.

Tayvan administrasiyasının uzun müddətdir almaq istədiyi tankların satışı 2019-cu ildə ozamankı ABŞ prezidenti Donald Trampın icazəsi ilə reallaşıb. Tayvan administrasiyası 108 tank üçün 1,25 milyard dollar ödəyib.

38 tankdan əlavə 2025-ci ildə 42, 2026-cı ildə isə 28 tankın təhvil verilməsi nəzərdə tutulur.

Sevinc Əliyeva
Ordu.az