Ordu.az xəbər verir ki, SİBERLAB Türkiyə prezidenti yanında Strategiya və Büdcə Müdirliyi tərəfindən dəstəklənən Kibertəhlükəsizlik Təlim və Araşdırma Mərkəzi Layihəsi çərçivəsində TÜBİTAK BİLGEM Kibertəhlükəsizlik İnstitutu tərəfindən hazırlanıb.

Laboratoriya 2023-cü ildən istifadəyə verilib. SİBERLAB onlayn işləmə qabiliyyətinə əlavə olaraq TÜBİTAK BİLGEM tərəfindən təmin edilən bulud infrastrukturu üzərində işləyən “kiber diapazon” (cyber range) məhsulu olaraq yer alır.

SİBERLAB istifadəçilərə kibertəhlükəsizlik təlimləri və ya yarışmaları üçün fərdiləşdirilmiş laboratoriyalar dizayn etməyə və onlara daxil olmağa imkan verən onlayn laboratoriya mühiti təklif edir.

Simulyasiya edilmiş mühitlərə virtual maşınlar və şəbəkə cihazları daxildir. Bu, istifadəçilərə real dünyada kibertəhlükəsizlik ssenarilərini tətbiq etməyə imkan verir.

Sevinc Əliyeva
Ordu.az