Ordu.az xəbər verir ki, “Çukurova Savunma” sursat yeşiklərini UNPACK markası ilə bir Avropa sursat istehsalçısı şirkətinə təhvil verəcək.

Çatdırılacaq sursat yeşikləri Avropa mənşəli raket sistemlərinin təhlükəsiz saxlanmasında rol oynayacaq.

Həm hərbi standartlar (MIL-STD), həm də təhlükəli yüklərin daşınması standartları (ADR) sahəsində təcrübəyə malik olan “Çukurova Savunma” raket qutularında bir çox yerli və beynəlxalq şirkətin tədarükçüsüdür.

“Çukurova Savunma” Baş direktoru Selçuk Öztürk şirkətin NSPA - NATO tədarükçüsü statusunun bu müqavilədə böyük əhəmiyyət daşıdığını vurğulayıb.

NSPA - NATO tədarükçüsü olmağın vacibliyini vurğulayan Öztürk “Çukurova Savunma” olaraq 5 ildir NSPA tenderlərində iştirak etdiklərini bildirib.

Qeyd edək ki, şirkət bu yaxınlarda 9 mm-lik silah sursatlarının saxlanması və təhlükəsiz daşınması üçün Livana sursat yeşikləri ixrac edib.

Sevinc Əliyeva
Ordu.az