Ordu.az xəbər verir ki, bu barədə “Financial Times” məlumat yayıb.

Tezliklə ABŞ federal hökuməti daxilində israfçılığın qarşısını almaq vəzifəsini üzərinə götürəcək İlon Mask bu yaxınlarda xüsusi bir hədəfi qeyd edib: Pentaqonun bahalı F-35 döyüş təyyarələri parkı.

Avtonom texnologiyanın tərəfdarı olan Mask son bir neçə həftəni sosial mediada “Lockheed Martin” istehsalı olan təyyarələri ələ salaraq keçirib.

Maskın şərhləri müdafiə sənayesi və onun müştərilərini əhatə edən müzakirələrə təkan verib: Büdcələrin təzyiq altında olduğu, Ukraynada və başqa yerlərdə dağıdıcı təsir göstərmək üçün getdikcə daha da təkmilləşdirilən PUA-ların yerləşdirildiyi bir vaxtda ordunun hələ də bahalı pilotlu döyüş təyyarələrinə ehtiyacı varmı?

ABŞ-də Hərbi Hava Qüvvələri bu ayın əvvəlində Yeni Nəsil Hava Hakimiyyət (NGAD) proqramının bir hissəsi olaraq hansı şirkətin yeni bir döyüş təyyarəsi istehsal edəcəyi məsələsində 2024-cü ilin sonunda verilməsi gözlənilən qərarı təxirə salacağını açıqlayıb.

Bu addım o deməkdir ki, layihəyə davam edib-etməmək və necə davam etmək artıq gələn Tramp administrasiyasından asılıdır.

“Lockheed Martin” isə açıqlamasında bildirib: “Biz növbəti administrasiya ilə prezident Trampın ilk dövründə olduğu kimi işləyəcəyik”.

Sevinc Əliyeva
Ordu.az