Ordu.az xəbər verir ki, ABŞ Hökumət Səmərəliliyi Departamentinin (DOGE) katibi vəzifəsinə namizəd İlon Mask F-35-ləri “köhnəlmiş” hesab etdiyini deyib.

Pentaqonun verdiyi açıqlamada ABŞ və digər ölkələrin xidmətində olan beşinci nəsil F-35 döyüş təyyarələrinin mühərriklərinin təmiri və texniki xidmət göstərilməsi üçün “Raytheon Technologies Corporation” ilə 1,3 milyard dollarlıq müqavilə imzalandığı bildirilib.

Açıqlamada qeyd edilib ki, “Raytheon Technologies Corporation” və “Pratt and Whitney Military Engines” 1,307 milyon dollardan çox olmayan bir müqavilə dəyişikliyinə layiq görülür.

DOGE katibi təyin olunacağı gözlənilən Mask F-35-lərlə bağlı bu açıqlamaları verib: “F-35 dizaynı tələblər səviyyəsində problemli oldu, çünki çox insan üçün çox iş görülməli idi. Bu, bahalı və mürəkkəb bir həll ilə nəticələndi, lakin hər şeydən üstün deyil. Uğur heç vaxt mümkün nəticələr arasında olmayıb. Üstəlik, pilotsuz uçuş aparatları əsrində pilotlu döyüş təyyarələri artıq köhnəlib. Bu, yalnız pilotların ölümünə səbəb olacaq”.

Sevinc Əliyeva
Ordu.az