Ordu.az xəbər verir ki, Almaniyanın Müdafiə Nazirliyi Bundesverin (Almaniya ordusu) Gələcək Uzun Mənzilli Dolayı Atış Sistemi proqramı çərçivəsində PULS (Dəqiq və Universal Buraxlış Sistemi) üçün satınalma prosesinə rəsmi olaraq start verib.

Bu satınalma Almaniyanın hərbi yardım paketinin bir hissəsi olaraq Ukraynaya bu yaxınlarda bağışlanmış 5 ədəd MARS II Yaylım Atəşli Reaktiv Sistemi (MLRS) platformasını əvəz etməyi hədəfləyir.

İsrailin müdafiə şirkəti “Elbit Systems” tərəfindən hazırlanan PULS sistemi geniş çeşiddə dəqiq idarə olunan sursatları təqdim edə bilən yeni nəsil yaylım atəşli reaktiv sistemləri ilə Almaniyanın raket artilleriya imkanlarını təkmilləşdirməyi vəd edir.

PULS almaq qərarı onilliklər ərzində Bundesverdə xidmətdə olan köhnə MARS II sistemini əvəz etmək üçün strateji addımdır.

Sevinc Əliyeva
Ordu.az