Ordu.az “Greek Reporter”ə istinadən xəbər verir ki, Yunanıstanın araşdırmaları zamanı Türkiyə bölgəyə freqat göndərib.

“Yunanıstan və Türkiyə arasındakı “pozitiv gündəm” cümə axşamı Cənubi Egey dənizindəki Kasos və Karpatos boğazları yaxınlığında 4 Türkiyə freqatının yerləşdirilməsindən sonra qısa müddətə kəsilib”, - deyə xəbərdə qeyd edilib.

Türkiyə Hərbi Dəniz Qüvvələrinin bölgəyə çatmasından sonra Yunanıstanın da müvafiq bölgəyə qayıq və freqatlar göndərdiyi, lakin gəmilərin bir-birinə yaxınlaşmadığı bildirilir.

Xəbərə görə, “böhran” diplomatik kanallar vasitəsilə tez bir zamanda aradan qaldırılıb, Türkiyə hərbi gəmiləri günün gec saatlarında bölgəni tərk edib.

Sevinc Əliyeva
Ordu.az