Azərbaycan xarici işlər naziri Ceyhun Bayramov yeni perspektivlər açan yeni reallıqları müzakirə etdiklərini açıqlayıb. Yeni reallıqlar arasında, məsələn, Fransanın Qafqazla bağlı təqdim etdiyi və Bakının buna qarşı çıxdığını bəyan etdiyi yeni vurğu var.

Bundan başqa, üçlüyün xarici işlər nazirləri Bakıda görüşərkən, Fransa və Azərbaycanın Qafqaz liderliyi uğrunda yarışdığı bəyan edilir. Artıq qeyd etdiyimiz kimi, bu, təkcə Bakının deyil, ən azından Rusiya və Türkiyənin də dəstək olduğu bir məsələdir. Hətta İran da dəfələrlə regiondankənar ölkələrin iştirakına müsbət münasibət bəsləmədiyini ifadə edib.

Məhz bu anda Gürcüstan seçim etməlidir, çünki Tbilisi Fransanın regiondakı rolu məsələsində əsas əhəmiyyətə malikdir. Buna görə də əgər Fransanın ambisiyalarının qarşısı alınmalıdırsa, ilk növbədə Gürcüstan vasitəsilə həmin xətt kəsilməlidir. Buna görə də bəyanatlar onu göstərir ki, ən azından Gürcüstanın qarşısına seçim, habelə Ermənistan və Fransa ilə formalaşdırdığı yeni əlaqələrə baxış tələbi qoyulub.

Şübhə yoxdur ki, Türkiyə və Azərbaycan üçün bu məsələ Gürcüstanla üçtərəfli əməkdaşlıq formatında ən prioritet əhəmiyyət kəsb edir. Türkiyə və Azərbaycan Tbilisini əvvəl olduğu kimi birgə əməkdaşlıqda saxlamağa çalışacaq. Bunu rəsmi Tbilisiyə Ermənistan və Fransanın region ölkələri üzərindən oynadıqları oyunların hansı zərərlər verəcəyini başa salmaqla həll etmək də olar. Bu baxımdan, bunun hansı üsullarla, hansı vasitələrlə və alətlər dəstiylə edilməsi məsələnin digər tərəfidir. Amma çox güman ki, Bakıda keçirilən üçtərəfli görüşdə bunun başlanğıcı qoyulub.

Aqil Məmmədov
Ordu.az