Şəhid ailələri N hərbi hissəsini ziyarət ediblər - FOTOLAR

2022/06/af217-1655558057.jpg
Oxunub: 650     16:41     18 İyun 2022    
Müdafiə nazirinin tapşırığına əsasən, bir qrup şəhid ailəsi və yaxınlarının N hərbi hissəsinə ziyarəti təşkil olunub.

Bu barədə Ordu.az-a Müdafiə Nazirliyindən məlumat verilib.

Şəhidlərin ailə üzvləri və yaxınları hərbi qulluqçuların xidmət, həmçinin sosial-məişət şəraiti ilə tanış olublar.

Ziyarət çərçivəsində 44 günlük Vətən müharibəsindən, Müzəffər Ali Baş Komandan İlham Əliyevin rəhbərliyi ilə Ordumuzun qazandığı şanlı qələbədən, şəhidlərin gənclərə nümunə olan qısa, lakin şərəfli ömür yolundan danışılıb.

Qeyd olunub ki, torpaqlarımızın ərazi bütövlüyü uğrunda canlarından keçən şəhidlərimiz heç zaman unudulmayacaq, onların əziz xatirəsi xalqımızın qəlbində daim yaşayacaqdır.

Şəhidlərin ailə üzvləri və yaxınları göstərilən diqqət və qayğıya, eləcə də şəhidlərin xatirəsinin daim uca tutulduğuna görə dövlətimizin başçısına və ordu rəhbərliyinə minnətdarlıqlarını bildiriblər.

Sonda qonaqlar üçün hərbi hissədə nahar yeməyi təşkil olunub, xatirə şəkli çəkdirilib.

Ordu.az

© Materiallardan istifadə edərkən hiperlinklə istinad olunmalıdır

Foto


Teqlər: Müdafiə-Nazirliyi  


Bizi "telegram"da izləyin