Ordu.az xəbər verir ki, bu barədə “Ynet” nəşri mənbələrə istinadən məlumat yayıb.

Məlumata görə, Netanyahu hökumət üzvlərinə bildirib ki, “Hizbullah” qruplaşması razılaşmanın şərtlərini qəbul etmədiyi üçün sənədin səsverməyə çıxarılmasının mənası yoxdur.

“Hazırda razılıq yoxdur. “Hizbullah” buna qarşıdır, buna görə də mən sənədi hökumətin səsverməsinə çıxarmayacağam. Əgər onlar razılaşsalar, sənədi təsdiq üçün sizə təqdim edəcəyəm”, - deyə Netanyahu bildirib.

Hökumətin təsdiqi olmadan İsrail atəşkəs razılaşmasının şərtlərinə əməl etməyə borclu deyil.

Daha əvvəl ABŞ vasitəçiliyi ilə İsrail və Livan atəşkəs rejiminin qorunması barədə razılığa gəlmişdilər. Razılaşma “Hizbullah”ın hücumları tam dayandırması şərtini nəzərdə tuturdu.

Lakin “Hizbullah” danışıqlarda iştirak etmədiyi üçün formal olaraq bu öhdəlikləri üzərinə götürməmişdi. İyunun 4-də qruplaşmanın lideri Naim Qasım atəşkəs şərtlərini qəbul etmədiklərini və onlara əməl etmək niyyətində olmadıqlarını açıqlayıb.

O, həmçinin İsrail hərbçilərinin Livan ərazisindən çıxarılmasını tələb edib.

Sevinc Əliyeva
Ordu.az