Həmsədrlər Paşinyanın sözləri ilə bağlı Mnatsakanyanla sərt söhbət aparıb

2018/10/osce--1540887417.jpg
Oxunub: 22370     11:30     30 Yanvar 2020    
Qafanda keçirilən mətbuat konfransında Ermənistan Baş naziri Nikol Paşinyanın Qarabağla bağlı danışıqlar prosesi üzrə səsləndirdiyi yanaşma və mətbuatdan gətirdiyi sitatlar ATƏT-in Minsk qrupu həmsədrləri arasında ciddi narahatlıq yaradıb.

Ordu.az erməni KİV-lərinə istinadən xəbər verir ki, onlar bu hərəkəti Minsk qrupu daxilində ideologiyaya zidd olan Paşinyanın növbəti başqa bir özfəaliyyət davranış tərzi nümayiş etdirməsi cəhdi kimi qəbul ediblər.

Ermənistanın Xarici İşlər naziri Zohrab Mnatsakanyan yanvarın 29-da Cenevrədə ATƏT-in Minsk qrupu həmsədrləri İqor Popov, Stefan Viskonti, Endryu Şofer və ATƏT-in fəaliyyətdə olan sədrinin şəxsi nümayəndəsi Anjey Kasprşik ilə görüşüb.

Məlumata görə, həmsədrlər Mnatsakanyanla Paşinyanın Qarabağa dair ifadələri ilə bağlı olduqca sərt bir söhbət aparıblar.

Alpər Mövludoğlu
Ordu.az

© Materiallardan istifadə edərkən hiperlinklə istinad olunmalıdır


Teqlər: ATƏT   Qarabağ   Paşinyan   Təxribat  


Bizi "telegram"da izləyin