Ordu.az xəbər verir ki, bu barədə Ermənistanın respublikaçılar partiyasının sözçüsü Eduard Şarmazanov özünün “Facebook” hesabında etdiyi canlı yayımı zamanı danışıb.

“O, bildirib ki, Ermənistan vətəndaşı olmasından daha çox xarici ölkələrin agentləri olan siyasi xadimlər inkar edilməlidirlər. Bu bəyanatdan 2 gün vaxt keçib, Paşinyan və onun ətrafı xarici agentlərin kim olduğuna dair hər hansı siyasi xadimin adını hələ də çəkməyib.

Mən 4-cü, 5-ci, 6-cı dönəm Ermənistan parlamentinin sədr müavini və Ermənistanın ləyaqətli vətəndaşı olaraq, Baş nazir Paşinyandan tələb edirəm ki, Ermənistanda dövlətin dağıdılması fəaliyyəti ilə məşğul olan həmin xarici agentlərin kim olduğunu desin.

Paşinyan artıq müxalifətçi Nikol deyil ki, parlamentinin tribunasından havadan asılı qalan məlumatlar versin. İranda Paşinyanın verdiyi bəyanat cinayət haqqında elan idi”, - deyə Şarmazanov açıqlama tələb edib.

Alpər Mövludoğlu
Ordu.az