Ordu.az xarici KİV-lərə istinadən xəbər verir ki, bu barədə rəsmi məlumatı Əfqanıstandakı ABŞ hərbi kəşfiyyatı bildirib.

Qeyd olunub ki, vəziyyətin son dövrlərdə gərginləşməsini birbaşa olaraq Trampın həyata keçirdiyi vasitələrlə əlaqələndirmək mümkün olmasa da, bu addımların təsiri danılmazdır.

“Əfqanıstan probleminin həllində uğursuzluğun bir nömrəli səbəbi ordunun 2014-cü ildə vaxtsız olaraq bu ölkəni tərk etməsidir. Lakin görünən odur ki, hazırda aparılan fəaliyyətlər də bir o qədər də effektivlik nümayiş etdirmir. Əfqanıstandakı ABŞ missiyası Donald Trampın strategiyasına böyük ümid bağlayır, lakin bu strategiyanın tətbiqində ciddi problemlər mövcuddur. Pentaqon “Taliban”a qarşı effektiv mübarizə aparmır. Bu da Vaşinqtonun və Əfqanıstan hökumətinin mövqeyini hər ötən gün daha da sarsıdır”, - deyə kəşfiyyatdan verilən açıqlamada qeyd olunub.

Dəyanət Ağalarlı
Ordu.az