Ordu.az xarici KİV-lərə istinadən xəbər verir ki, bu barədə Pentaqonun mətbuat xidməti bəyanat yayıb.

Bəyanatda qeyd olunub ki, qarşı tərəfin atdığı addımların tezliyi verilən vədlərlə müqayisədə olduqca ləng bir tempdə davam edir.

“Bəli, Sinqapur sammitindən dərhal sonra "Tonqçanq" poliqonu dağıdıldı. Lakin bunu hər hansısa bir formada Pxenyandan edilmiş bir jest kimi təqdim etmək düzgün olmazdı. Çünki bazanın dağıdılması ilə bağlı razılıq onsuz da sammitdə qəbul edilmişdi və bu addım atılmalıydı. Burada əsas toxunulmalı olan məqam Tonqçanq poliqonunun dağıdılmasından sonrakı mərhələdir. Sual olunur KXDR bundan sonra nüvəsizləşmə və hərbi gücünün azaldılması ilə bağlı hansı faktiki addımı atdı. Biz heç bir addımın atılmamış olmasından ciddi narahatlıq keçirir və KXDR-in üzərinə götürdüyü öhdəliklərin gələcəyi ilə bağlı şübhələrin olduğu qənaətindəyik”, - deyə bəyanatda bildirilib.

Dəyanət Ağalarlı
Ordu.az