"KXDR" sözünə uyğun 1119 nəticə tapıldı!

ABŞ rəsmisi: Şimali Koreyanın raket sınaqları narahatlıq doğurur

2019/08/41740-1565854187.jpg
Oxunub: 361     14:30     15 Avqust 2019    
“ABŞ hökuməti Şimali Koreya ilə danışıqların işçi səviyyəsində tezliklə bərpasına ümid edir”.

Ordu.az xarici KİV-lərə istinadən xəbər verir ki, bu sözləri ABŞ prezidentinin milli təhlükəsizlik müşaviri Con Bolton deyib.

“Koreya Xalq Demokratik Respublikası (KXDR) ilə Koreya Respublikası sərhədindəki silahsız bölgədə Donald Tramp ilə Kim Çen In arasında görüşdən sonra KXDR ilə aramızda işçi səviyyəsində mahiyyətcə danışıqlar olmayıb.

Bunların tezliklə yenidən başlayacağına ümidvarıq. Gerçək məsələ Şimali Koreyanın öz nüvə silahlarından və çatdırma vasitələrindən imtina etməyə dair konkret strateji qərar verib-verməyəcəyidir. Belə bir qərar müqabilində Şimali Koreya üçün geniş iqtisadi imkanlar açılacaq. Onların üzünə daha yaxşı həyatın qapısı açılıb, lakin KXDR hökuməti bu qapıdan keçməlidir, bunu hələ etməyib”, - deyə Bolton bildirib.

Şimali Koreyanın bu günlərdə keçirdiyi raket sınaqlarına toxunan müşavir bunun Kim Çen In tərəfindən ABŞ Prezidenti Donald Trampa verdiyi vədlərə zidd olmasa da, yarımadada baş verənləri izləyənləri narahat etdiyini vurğulayıb.

Sevinc Əliyeva
Ordu.az

© Materiallardan istifadə edərkən hiperlinklə istinad olunmalıdır


Teqlər: ABŞ   KXDR