Ordu.az xarici KİV-lərə isinadən xəbər verir ki, terrorçular buna cavab olaraq Bəşər Əsədlə danışıqlar aparır.

Məsələ ilə bağlı Suriyadakı müxalif qüvvələrin bildirdiyi məlumata görə, Rəqqa və Hasakada işğallarını davam etdirməyi planlaşdıran qruplaşma Suriya prezidenti ilə bəzi şərtlərlə bağlı müzakirələr aparır.

Danışıqlar zamanı bir neçə şərtin tərəflər arasında qarşılıqlı olaraq razılaşdırıldığı bildirilir.

Belə ki, terrorçular Yarubiyə, Simelka və Derbesiyə sərhəd keçid məntəqələrinə, həmçinin bölgədəki neft mədənlərinə nəzarəti hökumət qüvvələrinə təhvil verəcək. Eyni zamanda Hasakada terrorçu qruplaşmaların lideri Abdullah Öcalanın portretləri aradan götürüləcək

Bunun qarşılığında isə Suriya hökuməti qruplaşmaya silah yardımı göstərməyi və arxadan edilə biləcək bütün hücumlara qarşı terrorçuları müdafiə etməyi öz üzərinə götürüb.

Dəyanət Ağalarlı
Ordu.az