Ordu.az xarici KİV-lərə istinadən xəbər verir ki, güclənən düşmənlərin qarşısını almaq üçün Pentaqonun yeni texnologiyalara tələbatının artması kompaniyanın gəlirlərini artırır. Kennedinin sözlərinə görə, uzun mənzilli həssas atəş, yüksək enerji lazerləri, hipersəs kimi yeni nəsil texnologiyalar ABŞ-ın əməliyyat və texniki hakimiyyətini qorumaq üçün etdiyi yatırımlar sayəsində böyüməyə davam edir. “Raytheon” böyük ölçüdə hipersəs texnologiyalarını təkmiləşdirir, lakin şirkətin belə proqramlar üzərində işləri olduqca məxfidir.

“Dövlət təhdidlərinə qabaqcıl texnologiyalarla qarşı çıxmaq “Raytheon” üçün sürətlə böyüyən bir sahədir. Güclü dövlətlər ABŞ-la aralarındakı fərqi götürməyə çalışırlar”, - deyə şirkətin icraçı direktoru Tom Kennedi bildirib.

“Hər şeydən əvvəl hipersəsə dönək. Biz illərdir hipersəs yolunda irəliləyirik. Bu, dörd sütunlu strategiyamızın ikinci sütununu əhatə edir. Həqiqətən də çox böyük vəsait ayırırıq və xeyli irəliləyiş əldə etmişik. Müdafiə Nazirliyi ilə bir neçə hipersəs müqaviləmiz var. Bunların ən böyüklərindən biri DARPA ilə olan “Hawk” adlı proqramdır. Bu sensorlu hipersəs raketidir”, - deyə Kennedi qeyd edib.

“Raytheon” başqa bir hipersəs silah təkmilləşdirmə proqramını da icra edir. Lakin məxfiliyindən dolayı Kennedi bu haqda məlumat verməkdən imtina edib.

Ağalar Ağalarlı
Ordu.az