Ordu.az erməni KİV-lərinə istinadən xəbər verir ki, Moskvada səfərdə olan Ermənistanın xarici işlər naziri Edvard Nalbadyan bu gün ATƏT-in Minsk qrupunun həmsədrləri İqor Popov, Stefan Viskonti və Endryu Şoferlə görüş keçirib.
Görüşdə, həmçinin ATƏT sədrinin şəxsi nümayəndəsi səfir Andrej Kaspşik də iştirak edib.
Görüş zamanı, Dağlıq Qarabağ münaqişəsinin həllinə dair Vyana, Sankt Peterburq və Cenevrə sammitlərində əldə edilmiş razılaşmaların həyata keçirilməsi müzakirə edilib.
Danışıqlarda Ermənistan və Azərbaycan xarici işlər nazirləri arasında mümkün görüşə də toxunulub.
Alpər Mövludoğlu
Ordu.az
