Ordu.az xəbər verir ki, bu barədə “Mehr” agentliyi məlumat yayıb.

Agentliyin yaydığı sənədə əsasən, memorandum ABŞ-nin sanksiyaların ləğvi, qoşunların İrandan çıxarılması, dəniz blokadasının dayandırılması, Hörmüz boğazının açılması, neft məhdudiyyətlərinin aradan qaldırılması və İran aktivlərinin dondurulmuş vəziyyətdən çıxarılması ilə bağlı öhdəliklərini ehtiva edir.

Sənəddə həmçinin qeyd olunur ki, ABŞ İran iqtisadiyyatının bərpası üzrə proqram təqdim etməli, tərəflər arasında yekun danışıqlar isə Tehranın raket proqramı müzakirə edilmədən nüvə və iqtisadi məsələlərə fokuslanmalıdır.

“Mehr” agentliyi vurğulayıb ki, memorandum layihəsinin qüvvəyə minməsi üçün aidiyyəti qurumların təsdiqi tələb olunur.

Məlumata görə, İran və ABŞ qarşıdakı 60 gün ərzində atom proqramı ilə bağlı danışıqlar aparacaq və həmin prosesin nəticəsi olaraq yekun sazişin imzalanması nəzərdə tutulur.

Sevinc Əliyeva
Ordu.az