Ordu.az xəbər verir ki, Orban təbrik mesajını sosial şəbəkədə yayımlayıb.

“Hörmətli Prezident, hörmətli Donald, 80 illik yubileyiniz münasibətilə sizə ən səmimi arzularımı çatdırmaq istəyirəm.

Prezidentlik müddətləri gəlib keçir, lakin ABŞ tarixində sizin qədər dərin iz qoymuş prezidentlərin sayı çox azdır.

Qoy nailiyyətlərinizin siyahısı daha da artsın və sizə şübhə ilə yanaşanlar yenidən yanıldıqlarını görsünlər. Ən xoş arzularla, Viktor”, - deyə Orban yazıb.

Xatırladaq ki, bu gün ABŞ Prezidentinin 80 illik yubileyi münasibətilə Ağ Evin Cənub çəmənliyində qarışıq döyüş növləri üzrə genişmiqyaslı tədbirlər keçiriləcək.

Sevinc Əliyeva
Ordu.az