Ordu.az xəbər verir ki, qərar Ermənistan hökumətinin 11 iyun tarixli iclasında qəbul olunub.

Qərara əsasən, Ermənistan-Türkiyə sərhədində yerləşən “Marqara” keçid məntəqəsi humanitar yüklərin daşınması məqsədilə 12-22 iyun tarixlərində açıq olacaq. Hazırda fəaliyyət göstərməyən bu keçid məntəqəsindən qüvvədə olan hüquqi tənzimləmələrə görə şəxslərin, yüklərin və nəqliyyat vasitələrinin keçidi mümkün deyil.

Sənəddə qeyd olunub ki, qərar Livan sakinlərinə, o cümlədən İsrail hücumlarından zərər çəkmiş erməni icmasının nümayəndələrinə humanitar yardım göstərilməsi məqsədilə qəbul edilib.

Xatırladaq ki, ötən il Türkiyə Ermənistanın Suriyaya humanitar yardım göndərməsi üçün də “Marqara” sərhəd-keçid məntəqəsini müvəqqəti olaraq açmışdı.

Alpər Mövludoğlu
Ordu.az