Ordu.az xəbər verir ki, o, bu barədə “NBC News” telekanalına müsahibəsində danışıb.

Vens bildirib ki, bütün münaqişə boyu onun düşüncə tərzi şəxsi dini inancının təsiri altında formalaşıb.

O qeyd edib ki, ədalətli müharibə ilə bağlı xristian konsepsiyası liderləri “müharibənin haqlı olub-olmaması ilə bağlı özlərinə çox çətin suallar verməyə” məcbur edir.

Vens vurğulayıb ki, bu sualların cavabı həmişə birmənalı olmur.

Əvvəllər ABŞ-nin xaricdə həyata keçirdiyi hərbi əməliyyatlara daim qarşı çıxan Vens İranla müharibəyə başlamaq qərarını dəstəklədiyini də bildirib.

“Lakin ən yaxşı halda bu sizi düzgün suallar verməyə vadar edir. Buna görə də mən daim özümə sual verirəm: “Bu haqlıdırmı? Mənəvidirmi? Doğrudurmu?”. Bu, siyasi liderlər üçün müəyyən məhdudiyyətlər yaradır və belə də olmalıdır”, - deyə Vens bildirib.

O əlavə edib ki, İranın ABŞ ilə mümkün razılaşma çərçivəsində nüvə silahı hazırlamamağa razılaşacağına “çox böyük ümid” bəsləyir.

“Məncə, daha çətin məsələ onların mümkün razılaşmanın icrasını təmin edəcək nəzarət və monitorinq mexanizmlərinə razı olub-olmayacağıdır. Bu mexanizmlər bizə gələcəkdə razılaşmanı pozmayacaqlarına dair inam verməlidir”, - deyə Vens qeyd edib.

Sevinc Əliyeva
Ordu.az