Ordu.az xəbər verir ki, bunu İran parlamentinin milli təhlükəsizlik və xarici siyasət komitəsinin üzvü Əlaəddin Borucerdi deyib.
“Razılaşma layihəsinə əsasən Vaşinqton 60 günlük genişmiqyaslı atəşkəsin təmin edilməsini, bunun Livanı da əhatə etməsini, həmçinin İranın dondurulmuş aktivlərinin əhəmiyyətli hissəsinin azad edilməsini və dəniz blokadasının aradan qaldırılmasını öhdəsinə götürür”, - deyə onun sözlərini “Al Mayadeen” telekanalı “X” sosial şəbəkəsində yayıb.
Borucerdi əlavə edib ki, İranın diplomatik korpusunun nümayəndələri ABŞ Prezidenti Donald Trumpın emosional paylaşımlarına əsaslanaraq qərar qəbul etməyi planlaşdırmırlar.
O vurğulayıb ki, imzalanacaq istənilən saziş İranın “qırmızı xətləri”nə hörmət edəcək, həmçinin ölkənin milli maraqlarını və xalqın hüquqlarını qoruyacaq.
Sevinc Əliyeva
Ordu.az
