Ordu.az xəbər verir ki, bu, IRIS-T raketinin F-15 platformasında ictimaiyyətə məlum olan ilk istifadəsi hesab olunur.

Məlumata görə, F-15SA parkı hazırda ABŞ istehsalı AIM-9X raketlərindən istifadə edir. IRIS-T inteqrasiyasının isə mövcud silah seçimlərini genişləndirməyə yönəldiyi bildirilir.

Qeyd olunur ki, bu addım müxtəlif döyüş ssenarilərində iki sistem arasındakı texniki fərqlərdən istifadə etməyə imkan verəcək.

Bununla yanaşı, Səudiyyə Ərəbistanının F-15SA və “Eurofighter Typhoon” parkları arasında uyğunluğu artırmağı, təlim çevikliyini və logistika imkanlarını inkişaf etdirməyi hədəflədiyi vurğulanır.

IRIS-T Almaniyanın rəhbərlik etdiyi konsorsium tərəfindən hazırlanmış qısa mənzilli “hava-hava” raketidir. Layihədə İtaliya, İsveç, Yunanıstan, Norveç və İspaniya da iştirak edib.

Raket 2005-ci ildə xidmətə qəbul olunub və qısa müddətdə Avropadakı bir çox döyüş təyyarəsinin standart qısa mənzilli raketinə çevrilib. IRIS-T hazırda Almaniya, İtaliya, İspaniya, Avstriya və Səudiyyə Ərəbistanı da daxil olmaqla bir çox ölkənin inventarında yer alır.

Sistem sonradan yerüstü hava hücumundan müdafiə sistemlərinə də uyğunlaşdırılıb. IRIS-T SLS qısa mənzilli və IRIS-T SLM orta mənzilli hava hücumundan müdafiə sistemləri Ukrayna daxil olmaqla bir sıra ölkələrdə istifadə olunur.

Raket görüntüləyici infraqırmızı axtarış başlığı ilə təchiz edilib ki, bu da real hava vasitələrini aldadıcı hədəflərdən ayırmağa imkan verir. IRIS-T təxminən 25 kilometr təsir məsafəsinə malikdir və yüksək manevr qabiliyyətli səsdən sürətli hədəfləri məhv etmək üçün hazırlanıb.

Sevinc Əliyeva
Ordu.az