Ordu.az xəbər verir ki, bunu Rusiya Prezidenti Vladimir Putin bildirib.

“ABŞ Prezidenti cənab Tramp ilə son telefon danışığımız zamanı 9 may haqqında söhbət etdik və mənim fikrimcə, o, bu barədə çox ləyaqətli danışdı. O, nasizmə qarşı ümumi mübarizədə əməkdaşlığımızı xatırlatdı”, - deyə Putin jurnalistlərə açıqlamasında bildirib.

Rusiya Prezidenti ABŞ Prezidenti Donald Trampın mayın 9-11-də atəşkəs təşəbbüsünü əsaslandırılmış addım adlandırıb və Rusiyanın bu ideyanı dərhal dəstəklədiyini qeyd edib.

“Bütün bu müzakirələrin nəticəsində ABŞ Prezidenti cənab Trampın həmin iki gün üçün əlavə ikigünlük atəşkəs və hərbi əsirlərin mübadiləsi ilə bağlı təşəbbüsü meydana çıxdı”, - deyə Putin bildirib.

“Biz dərhal buna razılıq verdik. Üstəlik, məncə, bu həm əsaslandırılmış təklifdir, həm də nasizm üzərində ümumi qələbəmizə hörmət hissindən irəli gəlir və açıq şəkildə humanitar xarakter daşıyır”, - deyə o əlavə edib.

Sevinc Əliyeva
Ordu.az