Ordu.az xəbər verir ki, bu barədə xarici KİV-lər məlumat yayıb.
Finlandiya Quru Qoşunlarının “X”dəki rəsmi səhifəsinə görə, onların əsas rolu fin tərəfdaşlara pilotsuz uçuş aparatları ilə bağlı əməliyyatlarda, xüsusilə FPV pilotsuz uçuş aparatlarında dəstək vermək olub.
“Mighty Arrow 26” Finlandiya Ordusunun rəhbərlik etdiyi böyükmiqyaslı sahə təlimidir və 2026-cı il mayın 5-dək “Niinisalo” təlim ərazisində keçirilib. Təlimlər Finlandiyanın cənub-qərbində baş tutub və təxminən 2800 hərbi qulluqçu, 500 ədəd texnika və 160 tank iştirak edib.
Finlandiya qüvvələrindən əlavə Estoniya, Litva və ABŞ kontingentləri də təlimlərə qatılıb. Təşkilatçılar “daimi mikro-pilotsuz uçuş aparatı təhdidi” şəraiti yaradıblar ki, bu da təlimləri Rusiya-Ukrayna müharibəsinin reallıqlarına mümkün qədər yaxınlaşdırıb.
Qeyd etmək lazımdır ki, bu, ukraynalı mütəxəssislərin NATO qüvvələrinin hazırlığına kömək etdiyi ilk hal deyil.
2026-cı ilin aprelində Ukrayna pilotsuz uçuş aparatı operatorları İsveçdə keçirilən böyükmiqyaslı Aurora 26 təlimlərində də iştirak ediblər. Pilotsuz uçuş aparatı operatorları və digər mütəxəssislər şərti döyüş ssenarilərində, müttəfiq bölmələrlə birgə hazırlıq məşqlərində və ixtisaslaşdırılmış seminarlarında iştirak ediblər.
Əsas diqqət pilotsuz sistemlərdən istifadə etməklə aparılan döyüşə, xüsusilə dəniz və hava hücumundan müdafiə pilotsuz uçuş aparatlarına yönəlib.
Ümumilikdə ukraynalı heyətlərin iştirakı 2024-cü ilin sentyabrında başlayıb. O zaman Ukrayna Niderlandda keçirilən C-UAS TIE ixtisaslaşdırılmış pilotsuz uçuş aparatlarına qarşı təlimdə iştirak edib. Həmin məşqlər zamanı mütəxəssislər 60-dan çox pilotsuz uçuş aparatını ələkeçirmə sistemini sınaqdan keçiriblər.
2025-ci ildə ukraynalı pilotsuz uçuş aparatı mütəxəssisləri də bir neçə böyük hərbi təlimdə iştirak ediblər. Onlardan biri 2025-ci ilin mayında Estoniyada keçirilən “Siil/Hedgehog 2025” idi və burada 10 nəfərlik ukraynalı qrup şərti düşmən qüvvəsi kimi çıxış edib.
Təlimlər zamanı onlar yarım gün ərzində 17 zirehli vasitənin və NATO-nun iki batalyonunun məhvini imitasiya etməyə nail olublar. Həmin ilin sentyabrında isə Ukrayna Portuqaliyada keçirilən REPMUS 25 təlimlərinə qoşulub.
Bu təlimlər dəniz və hava sistemlərinə yönəlmişdi və çoxmillətli qüvvənin əsas komanda-idarəetmə platforması kimi Ukraynanın DELTA döyüş sistemi istifadə olunub.
“Militarnyi” yazır ki, Almaniya Silahlı Qüvvələri (Bundesver) Almaniyadakı hərbi akademiyalarda dərs demək üçün ukraynalı veteranları cəlb etməyi planlaşdırır.
General Kristian Freydinqin sözlərinə görə, Ukrayna qüvvələrinin real döyüş şəraitində qazandığı təcrübə son dərəcə qiymətlidir. Ənənəvi təlimlər bu cür təcrübəni tam şəkildə əvəz edə bilmir.
Sevinc Əliyeva
Ordu.az
