Ordu.az xəbər verir ki, bu barədə Pezeşkian “X” sosial şəbəkəsində paylaşım edib.

İran Prezidenti bildirib ki, ölkənin qüdrətli silahlı qüvvələri və hökuməti İran xalqının hüquqlarını qətiyyətlə müdafiə edəcək.

Onun sözlərinə görə, İran heç bir təhdid qarşısında geri çəkilməyəcək və ölkənin əsas prioriteti milli təhlükəsizliklə vətəndaşların əmin-amanlığının qorunmasıdır.

Pezeşkian vurğulayıb ki, diplomatiya və müdafiə milli gücün iki əsas sütunudur.

“Biz nə döyüş meydanını, nə də danışıqlar masasını tərk etmişik”, - deyə İran Prezidenti qeyd edib.

O əlavə edib ki, birlik və rasional yanaşma sayəsində İran mövcud sınaqlardan uğurla çıxacaq.

Pezeşkian bir daha vurğulayıb ki, hökumətin əsas vəzifəsi milli təhlükəsizliyin təmin olunması və vətəndaşların sülh şəraitində yaşamasıdır.

Sevinc Əliyeva
Ordu.az