Ordu.az Ukrayna mediasına istinadən xəbər verir ki, bu barədə yerli hakimiyyət orqanları məlumat yayıb.

"Rusiyanın pilotsuz uçuş aparatı ilə vilayət mərkəzinin yaşayış massivinə endirdiyi zərbə nəticəsində iki nəfərin öldüyü məlumdur. Daha əvvəl 15 nəfərin yaralandığı bildirilib", - Zaporojye vilayət hərbi administrasiyasının rəhbəri İvan Fyodorov deyib.

Sumı vilayət hərbi administrasiyasının rəhbəri Oleq Qriqorovun məlumatına görə, kütləvi hücum nəticəsində Seredino-Buda icmasında bir nəfər ölüb. Daha əvvəl o, doqquz nəfərin xəsarət aldığını bildirib.

Donetsk vilayət hərbi administrasiyasının rəhbəri Vadim Filaşkin bildirib ki, Slavyanskın bombardmanı zamanı inzibati bina, tibb müəssisəsi, çoxsaylı çoxmərtəbəli binalar və fərdi evlər zədələnib, azı yeddi nəfər yaralanıb.

Ordu.az