Ordu.az xəbər verir ki, Şərif bununla bağlı “X” hesabında paylaşım edib.

“Yaxın Şərqdə son zorakılıq dalğası atəşkəs rejiminin nə qədər həssas olduğunu və bunun hansı ağır nəticələrə gətirib çıxara biləcəyini bir daha xatırladır.

Biz qardaşlarımız və tərəfdaşlarımızla birlikdə münaqişənin sülh yolu ilə diplomatik həllini tapmaq üçün səmimi və yorulmadan çalışdığımız, xüsusilə də son məqsədə çatmağın artıq yaxın olduğu bir vaxtda bütün tərəfləri inandırıcı şəkildə təmkin nümayiş etdirməyə və sülhə daha bir şans verməyə çağırırıq.

Gəlin zorakılıq və dağıntılar yolunu seçmək əvəzinə, uğur üçün böyük imkanlar vəd edən sülh və diplomatiya yoluna sadiq qalaq”, - deyə Pakistanın Baş naziri bildirib.

Sevinc Əliyeva
Ordu.az