Ordu.az xəbər verir ki, bu barədə Böyük Britaniyanın “The Guardian” qəzeti məlumat yayıb.
Nəşr qeyd edib ki, hadisələr fevralın sonunda, Rusiya pilotsuz uçuş aparatlarının Ukrayna istehkamlarını tamamilə məhv etdiyi və Vadimin silahdaşlarından birini öldürdüyü vaxt baş verib. Ayaqyalın və beyin silkələnməsi vəziyyətində olan Vadim ağaclar arasında gizlədilmiş ən yaxın sığınacağa çatıb, lakin bunun düşmən atəş mövqeyi olduğunu görüb.
“İçəridə Nikita adlı silahlı rusiyalı əsgər olub və o, avtomatını Vadimə tuşlayıb. Qısa söhbətdən sonra Nikita onun içəri girməsinə icazə verib və atəş açmayacağına söz verib.
Növbəti 14 gün ərzində Letunov sağ qalmaq üçün psixoloji biliklərindən istifadə edərək rusiyalı əsgəri manipulyasiya edib. O, Nikitanın emosional vəziyyətinin qeyri-sabit olduğunu görüb, çünki rusiyalı vaxtaşırı silahı ona tuşlayaraq hədələyib.
Kişilər ciddi ərzaq və su çatışmazlığı şəraitində yaşayıblar, çünki rusiyalı əsgər pilotsuz uçuş aparatları ilə çatdırılan minimal ərzaq payı alırdı. İçməli su üçün yağış suyu toplayırdı.
Vadimin ayaqlarındakı donvurma səbəbindən səhhəti getdikcə pisləşib və bu, ayaq barmaqlarından birində qanqrenaya səbəb olub. Ağrılara baxmayaraq, ukraynalı rusiyalını təslim olmağa razı salmağa davam edib, Cenevrə Konvensiyalarına uyğun təhlükəsizlik zəmanətləri və düzgün rəftar barədə danışıb”, - deyə müəllif bildirib.
Məqalədə qeyd edilib ki, su ehtiyatı tamamilə tükənəndə onlar sığınacaqdan çıxıblar və Vadim Ukrayna pilotsuz uçuş aparatına siqnal verə bilib.
“Çağırış işarəsi və bölmə nömrəsi olan nişan vasitəsilə o, əvvəllər öldüyünü hesab edən komandanlığına özünü tanıdıb. Ukrayna Müdafiə Qüvvələri pilotsuz uçuş aparatı vasitəsilə əlaqə yaradıb, həmçinin hər iki əsgər üçün radio və təchizat göndərib. Vadim rusiyalının davranışını idarə etməyə davam edib, hətta əməkdaşlığını qorumaq üçün öz yeməyinin bir hissəsini ona verib.
Təxliyə sıx duman zamanı həyata keçirilib, Ukrayna zirehli maşınları gözlənilmədən mövqeyə yaxınlaşıb. Hər iki şəxs sürətlə maşına minib, Nikita isə könüllü şəkildə təslim olub və minməzdən əvvəl mobil telefonunu məhv edib. Ukrayna hərbçiləri rusiyalı əsiri əsir mübadiləsində iştirak etməsi üçün Ukrayna Təhlükəsizlik Xidmətinin nümayəndələrinə təhvil veriblər.
Vadim Letunov hazırda bir ayaq barmağını itirdikdən sonra Odessada reabilitasiya keçir və ailəsinə qayıdıb”, - deyə nəşr yazıb.
Sevinc Əliyeva
Ordu.az
