Ordu.az Ermənistan KİV-lərinə istinadən xəbər verir ki, bu barədə bu gün Ermənistan parlamentində Ermənistanın Baş prokuroru Anna Vardapetyan bildirib.

“Qeydə alınan hadisələrdən 1027-si və ya 45,7 faizi hadisələr olub (2024-cü ildə 762 hadisə), 1221-i və ya 54,3 faizi cinayətlər olub (2024-cü ildə 1331 hadisə), o cümlədən 687-si və ya 56,3 faizi hərbi cinayətlər olub (2024-cü ildə 715 hadisə), 534-ü və ya 43,7 faizi isə digər cinayətlər olub (2024-cü ildə 616 hadisə)”, - deyə o qeyd edib.

Ermənistan KİV-ləri xatırladır ki, Ermənistanın Baş prokuroru Anna Vardapetyan “parlamentin reqlamenti” konstitusiya qanununa uyğun olaraq bu gün Ermənistan parlamentinin dövlət-hüquq məsələləri daimi komissiyasına Ermənistan Baş Prokurorluğunun 2025-ci il fəaliyyəti haqqında hesabatı təqdim edib. Hesabat 2026-cı il martın 31-də Ermənistan parlamentinə göndərilib və Prokurorluğun rəsmi saytında dərc olunub.

Məlumata görə, 2025-ci ildə Ermənistan Silahlı Qüvvələrində hərbi qulluqçuların xidmətlə bağlı şəraitdə aşağıdakı ölüm halları qeydə alınıb: 6 müddətli hərbi qulluqçu, MTX sərhəd qoşunlarının 2 müddətli hərbi qulluqçusu və 1 “xalq qoşunu” üzvü.

Qeyd edilir ki, ümumilikdə xidmətlə bağlı 9 ölüm hadisəsi qeydə alınıb, 2024-cü ildə isə bu göstərici 27 hadisə olub.

Xidmətlə bağlı ölüm halları aşağıdakılardır:

ehtiyatsızlıqla intihara çatdırma üzrə 4 hadisə,

hərbi vəzifəli şəxsin səhlənkarlığı üzrə 1 hadisə,

tibb işçisinin peşə vəzifələrini yerinə yetirməməsi və ya lazımi qaydada yerinə yetirməməsi nəticəsində insan ölümünə səbəb olma üzrə 1 hadisə,

ildırım vurması üzrə 1 hadisə,

xəstəlik üzrə 2 hadisə.

Bildirilir ki, 2025-ci il ərzində araşdırılmış cinayət işləri üzrə dövlətə dəymiş ziyanın məbləği 411 728 063 dram təşkil edib, 2024-cü ildə isə 1 479 117 389 dram olub.

Alpər Mövludoğlu
Ordu.az