Ordu.az xəbər verir ki, bu çərçivədə “CTech” Malayziyada keçirilən “Defence Services Asia (DSA) Exhibition and Conference 2026” sərgisində iştirak edərək hava, quru və dəniz platformaları üçün peyk və görmə xətti daxilində rabitə məhsullarını nümayiş etdirib.

Bununla yanaşı, “SecureARX” qarışdırmaya davamlı peyk rabitəsi modeminin peyk rabitəsini hədəf alan radioelektron mübarizə təhdidlərinə qarşı necə müdafiə təmin etdiyini və çətin əməliyyat şəraitində təhlükəsiz, dayanıqlı əlaqəni necə mümkün etdiyini bölüşüb.

Sərgi müddətində keçirdiyi səmərəli görüşlərlə yeni əməkdaşlıq imkanlarını da qiymətləndirən “CTech” mühüm əməkdaşlığa da imza atıb.

“CTech” sərgidə peyk rabitəsi sistem inteqrasiyası və təhlükəsiz müdafiə rabitəsi həlləri sahəsində ixtisaslaşmış Malayziya mərkəzli yerli tərəfdaş “AR Eastern” ilə məhsul təchizatı və əməkdaşlıq sazişi imzalayıb.

Saziş iki şirkət arasında xüsusilə təhlükəsiz və dayanıqlı peyk rabitəsi həlləri üzrə əməkdaşlığın inkişaf etdirilməsini əhatə edir.

Müdafiə və aviasiya sahələrində peyk və birbaşa görmə xətti rabitə texnologiyaları hazırlayan “CTech” beynəlxalq arenada daha geniş yer almaq üçün beynəlxalq sərgilərdə iştirakını davam etdirəcək.

Sevinc Əliyeva
Ordu.az