Ordu.az xəbər verir ki, bu barədə Ermənistan KİV-ləri məlumat yayıb.

Məlumata görə, hakim qərarı oxuyarkən qeyd edib ki, işin istintaqı ilə bağlı məhkəmə tərəfindən əvvəllər səsləndirilən risklər hələ də qalmaqdadır. Bura istintaqa maneçilik törətmə və yeni cinayətlər törətmə ehtimalları da daxildir. “Hüquqi əsaslar dəyişməyib və alternativ qətimkan tədbirləri müvafiq davranışı təmin etmək iqtidarında deyil, bu səbəbdən həbs qətimkan tədbiri iki ay müddətinə uzadılır”, - deyə erməni hakim qərarı diqqətə çatdırıb.

Xatırladaq ki, erməni arxiyepiskop Baqrat və “Müqəddəs mübarizə” hərəkatının ondan çox tərəfdarı 2025-ci il iyunun 25-də terror aktları hazırlamaq və hakimiyyəti ələ keçirməyə cəhd ittihamı ilə saxlanılıblar. İyunun 26-da məhkəmənin qərarı ilə onlar iki ay müddətinə həbs ediliblər. Daha sonra həbs müddəti bir neçə dəfə uzadılıb.

Alpər Mövludoğlu
Ordu.az