Ordu.az xəbər verir ki, Avstraliya daha əvvəl yeni ümumi təyinatlı freqat platforması kimi Yaponiya layihəsi olan “Mogami” sinfini seçmişdi.
Gəmilərin hazırda bu sinifdə istifadə olunan MT30 dəniz qaz turbini ilə təchiz ediləcəyi gözlənilir.
Sözügedən mühərriklərin Avstraliya Kral Donanması üçün sualtı qayıqlara qarşı müharibə və hava müdafiəsi kimi tapşırıqları dəstəkləyəcək maksimum 11 gəmidən ibarət donanmaya güc verməsi nəzərdə tutulur.
“Rolls-Royce” MT30 mühərrikinin hazırda bir çox donanmalarda xidmətdə olduğunu və aviadaşıyıcılar, esmineslər və freqatlar kimi platformalarda istifadə edildiyini bildirib.
Yeni freqatlar “Mitsubishi Heavy Industries” tərəfindən inşa ediləcək. İlk üç gəmi Yaponiyada istehsal olunacaq və daha sonra Avstraliyaya təhvil veriləcək. İlk gəminin 2029-cu ildə təhvil verilməsi və 2030-cu ildə xidmətə qəbul olunması planlaşdırılır.
Qaz turbininə əlavə olaraq gəmilər bort enerji ehtiyacını qarşılamaq üçün “Rolls-Royce Power Systems” istehsalı dizel generator sistemləri ilə təchiz olunacaq.
Sevinc Əliyeva
Ordu.az
