Ordu.az xəbər verir ki, DSA 2026 sərgisində imzalanacaq tarixi Anlaşma Memorandumu (MoU) ilə NMS və “Ejder Yalçın” seriyası yerli istehsal imkanları sayəsində region ölkələri üçün artıq “idxal məhsulu” deyil, yerləşmiş texnoloji güc mərkəzinə çevrilir.

Bu strateji transformasiyanın mərkəzində Malayziyanın köklü qruplarından “Nadicorp” ilə imzalanacaq genişmiqyaslı Anlaşma Memorandumu (MoU) dayanır. Razılaşma yalnız maşın tədarükünü deyil, zirehli platformaların Malayziyada yerli imkanlarla istehsalını, texnologiya transferini və region ölkələrinə yönəlmiş ortaq ixrac strategiyalarını əhatə edir. Bu addımla “Nurol Makina” Cənub-Şərqi Asiya bazarında daimi oyunçu olmaq baxışını bir addım irəli apararaq Malayziyanı regionun zirehli maşın baxımı, təmiri və istehsal mərkəzinə çevirməyi hədəfləyir.

Türkiyənin taktiki təkərli zirehli maşın istehsalçısı “Nurol Makina” 2026-cı il aprelin 20-23-ü tarixlərində Malayziyanın paytaxtı Kuala-Lumpurda keçiriləcək “Defence Services Asia” (DSA) sərgisinə qatılır. Şirkət Malayziya Beynəlxalq Ticarət və Sərgi Mərkəzində (MITEC) keçiriləcək tədbirdə əməliyyat ehtiyacları üçün hazırlanmış zirehli maşın həllərini təqdim edəcək.

Malayziya ilə yerli istehsal üçün yeni Anlaşma Memorandumu

“Nurol Makina” sərgi çərçivəsində Malayziyada yerləşən “Nadicorp Holdings Sdn. Bhd. (Badanbas)” ilə strateji əməkdaşlığı genişləndirmək məqsədilə yeni Anlaşma Memorandumu (MoU) imzalayacaq. Bu razılaşma iki qurum arasındakı mövcud tərəfdaşlığı gücləndirərkən, 4x4 zirehli maşınların Malayziyada yerli şəkildə istehsalı və Asiya üzrə regional bazarlara ixracı üçün zəruri çərçivəni müəyyən edəcək.

Nümayiş etdiriləcək maşınlar: “Ejder Yalçın”, NMS 4x4 və NMS-L

Şirkət “Hall 2, Stand No: 2100C” ünvanında yerləşən stendində müxtəlif tapşırıq təriflərinə uyğun hazırlanmış üç əsas modelini nümayiş etdirəcək:

“Ejder Yalçın”: Döyüş meydanında xidmət edən, yüksək mühafizə qabiliyyətinə malik zirehli maşın.
NMS 4x4: Miqyaslana bilən zireh texnologiyası və hərəkət qabiliyyəti ilə seçilən taktiki maşın.
NMS-L: Müxtəlif əməliyyat tələbləri üçün optimallaşdırılmış yüngül zirehli maşın həlli.

“Nurol Makina” DSA 2026 sərgisində iştirakı ilə Asiyadakı mövcudluğunu artırmağı və regional əməkdaşlıqları texniki tərəfdaşlıqlar vasitəsilə inkişaf etdirməyi hədəfləyir. Sərgi müddətində ziyarətçilər maşınların təhlükəsizlik qabiliyyətləri və texniki xüsusiyyətləri barədə birbaşa məlumat əldə edə biləcəklər.

Sevinc Əliyeva
Ordu.az