Ordu.az xəbər verir ki, bu barədə EFE məlumat yayıb.

İddialara görə, bu təklif Benyamin Netanyahu hökumətinin yol verdiyi “insan hüquqları pozuntuları” nəzərə alınaraq irəli sürüləcək.

“Beynəlxalq hüququ pozan və nəticə etibarilə Avropa İttifaqının prinsip və dəyərlərini tapdalayan hər hansı hökumət Avropa İttifaqının tərəfdaşı ola bilməz, hər şey aydındır”, - deyə o, Əndəlusda seçkiqabağı kampaniya çərçivəsində keçirilən mitinq zamanı vurğulayıb.

Sançes bir daha “qanunsuz” müharibə ilə bağlı razı olmadığını bildirib və onu “ən böyük səhv” adlandırıb. Onun sözlərinə görə, bu müharibə təkcə minlərlə insanın həyatına son qoymur, həm də milyonlarla insanın yerdəyişməsinə və milyardlarla avro iqtisadi itkilərə gətirib çıxarır.

“Məhz buna görə də mən bu müharibəni başlayanlara onu dayandırmağa və Netanyahunun fəaliyyətinə son qoymağa çağırıram”, - deyə o vurğulayıb.

Eyni zamanda Sançes aydınlaşdırmaq istəyib ki, İspaniya İsrail üçün “dost ölkədir”, lakin israr edib ki, bu, əzab, ağrı və ölümə gətirib çıxaran beynəlxalq hüququn “pozulmasında” iştirak demək deyil.

Sevinc Əliyeva
Ordu.az