Ordu.az xəbər verir ki, razılaşma sistemin aşağı həcmli istehsal mərhələsindən çıxaraq tam miqyaslı seriyalı istehsal mərhələsinə keçdiyini göstərir.
Müqavilə çərçivəsində AMRAAM-ER raketlərinin tam həcmli istehsalına başlanarkən, ilkin mərhələdə 61,5 milyon dollarlıq maliyyələşdirmə hissəsinin tamamilə ixrac müştəriləri tərəfindən qarşılandığı açıqlanıb. Təhvillərin 2030-cu il aprelinədək tamamlanması planlaşdırılır.
Proqramın ABŞ-nin Xarici Hərbi Satışlar (FMS) mexanizmi üzərindən həyata keçirildiyi və Vaşinqtonun prosesdə vasitəçi rol oynadığı bildirilir.
AMRAAM-ER raketlərinin Macarıstan, Küveyt, Litva, Niderland, Norveç və Tayvan kimi NASAMS istifadəçilərinə təhvil verilməsi planlaşdırılır. Razılaşma NASAMS-ın NATO və müttəfiq ölkələr arasında getdikcə daha çox seçildiyini göstərir.
NASAMS hava hücumundan müdafiə sistemi
NASAMS hava hücumundan müdafiə sistemi qısa mənzillidən orta mənzilliyə qədər bir çox raketi buraxmaq qabiliyyətinə malikdir. NASAMS-ın ən yeni variantları AIM-9X, AMRAAM və AMRAAM-ER raketlərini buraxa bilir. AMRAAM raketləri ilə sistemin effektiv mənzili təxminən 25 kilometrdir.
AMRAAM-ER: Mövcud infrastruktura inteqrasiya olunan həll
AMRAAM-ER AIM-120 AMRAAM əsasında hazırlanaraq quru bazalı hava hücumundan müdafiə vəzifələrinə uyğunlaşdırılan variant kimi önə çıxır. Raket AIM-120C-8-in idarəetmə və döyüş başlığı infrastrukturunu qoruyarkən, RIM-162 ESSM proqramından törədilən daha güclü raket mühərriki və idarəetmə sistemi ilə dəstəklənir.
Bu arxitektura sayəsində sistemin mənzilinin 60 kilometrdən yuxarı çıxacağı və müxtəlif hava təhdidlərinə qarşı nişanalma effektivliyinin əhəmiyyətli dərəcədə artırıldığı bildirilir.
AMRAAM-ER
Raket aktiv radar axtarış başlığı sayəsində “atdım-unutdum” qabiliyyətinə malikdir.
AMRAAM-ER NASAMS hava hücumundan müdafiə sistemi ilə inteqrasiya edilmiş şəkildə işləmək üçün hazırlanıb. Sistem sabit qanadlı təyyarələrə, helikopterlərə, qanadlı raketlərə və bəzi pilotsuz uçuş aparatlarına qarşı effektiv olacaq şəkildə qurulub.
Raket quru bazalı buraxıcılardan maili şəkildə buraxılır.
Sevinc Əliyeva
Ordu.az
