İsrail artilleriyası atəşkəsə baxmayaraq, Livanın cənubunun mərkəzi hissəsini atəşə tutur.

Ordu.az xəbər verir ki, bu barədə “Al Jazeera” məlumat yayıb.

Atəşkəs bağlanana qədər Livan hakimiyyətinin ilkin qiymətləndirməsinə görə, İsrail hücumları nəticəsində təxminən 40 min ev dağılıb və ya zədələnib.

Beyrutun cənub ətrafları ən çox zərər çəkən bölgələrdir, onlardan sonra Livanın cənubundakı bütün rayonlar gəlir.

Livanın NNA milli agentliyi isə öz növbəsində bildirib ki, İsrail qüvvələri Markaba və Tayyibədə yaşayış evlərini, Deyr-Siryan şəhərinin ətraflarını bombalayır, bu gün axşam isə Zavtar əş-Şərqiyyə və Xiyam qarşısında yerləşən çay yatağı hədəf alınıb.

Sevinc Əliyeva
Ordu.az