Ordu.az xəbər verir ki, bu barədə CNN məlumat yayıb.

Misirin dövlət informasiya xidmətinin yaydığı bəyanata görə, onlar davam edən “gərginliyi azaltmaq və eskalasiyanı cilovlamaq üzrə birgə səyləri”, həmçinin “mövcud müharibə başa çatdıqdan sonra regional nizamın gələcəyini” müzakirə ediblər.

Tərəflər həmçinin müharibənin “beynəlxalq nəqliyyata, təchizat zəncirlərinə, ərzaq təhlükəsizliyinə, enerji təhlükəsizliyinə və neft qiymətlərinə” təsirini yumşaltmağın yollarını müzakirə ediblər.

Sərhədləri, hava məkanı və iqtisadiyyatları ABŞ və İsrailin İranla müharibəsi səbəbindən birbaşa təhlükə altında olan dörd regional güc həftələrdir danışıqlar aparılması üçün təzyiq göstərir.

Xüsusilə, Pakistan Vaşinqton və Tehran arasında mühüm diplomatik körpüyə çevrilib. Pakistanın baş naziri Şahbaz Şərif də Türkiyədə təşkil olunan illik ADF diplomatik konfransında Türkiyə prezidenti Rəcəb Tayyib Ərdoğanla danışıb.

Daha sonra Misirin xarici işlər naziri Bədr Abdelati ABŞ və İran arasında “qarşıdakı günlərdə” razılıq əldə olunacağına nikbinlik ifadə edib.

Sevinc Əliyeva
Ordu.az