Ordu.az xəbər verir ki, HAL10 sistemi WASP modul platformasında fəaliyyət göstərir.

“Techkult”un məlumatına görə, 5x2 buraxılış konteyneri düzülüşü operatorlara pilotsuz uçuş aparatlarını ayrı-ayrılıqda və ya qrup şəklində sürətlə buraxmağa imkan verir. Sistem artıq 2026-cı ilin əvvəlində sınaqdan keçirilib.

Modul sistem HAL10-un həm mobil, həm də stasionar platformalarda yerləşdirilməsinə imkan yaradır. O, əlverişsiz hava şəraitində işləmək üçün nəzərdə tutulub -32-dən 45°C-dək temperaturda və saniyədə 18 metrədək külək sürətində fəaliyyət göstərə bilir.

HAL10 sistemi ISSOS WASP pilotsuz uçuş aparatı kompleksi ilə qarşılıqlı işləmək və onun konteynerindən buraxılmaq üçün nəzərdə tutulub. Pilotsuz uçuş aparatının uçuş məsafəsi 45 km-dir və yük olmadan 30 dəqiqəyədək, yüklə isə 22 dəqiqəyədək havada qala bilir.

Pilotsuz uçuş aparatı müxtəlif avadanlıqların yerləşdirilə biləcəyi modul bölməyə malikdir və bu, onun nəzərdə tutulmuş funksiyalarından asılıdır. Platforma yarımavtonom və şəbəkə idarəetməsi rejimində fəaliyyət göstərə, müşahidə tapşırıqları yerinə yetirə, düşmənin pilotsuz uçuş aparatlarına qarşı fəaliyyət göstərə və çoxtəbəqəli hava hücumundan müdafiə sisteminin tərkib hissəsi ola bilir.

Sevinc Əliyeva
Ordu.az