Ordu.az xəbər verir ki, ələ keçirilmiş aparat Ukrayna Müdafiə Kəşfiyyatı tərəfindən sökülüb və bütün komponentlər “War&Sanctions” portalında dərc edilib.
Pilotsuz uçuş aparatı Rusiyanın “Ushkuynik” şirkəti tərəfindən hazırlanıb və istehsal olunub. Bu şirkət həmçinin “Prince Vandal of Novgorod” FPV pilotsuz uçuş aparatları və “Osoed” önləyici pilotsuz uçuş aparatları ilə də tanınır.
Aparatın qanad açılımı 2,8 metr, maksimal uçuş çəkisi isə 11 kiloqramdır. Onun taktiki-texniki göstəricilərinə 45 km məsafə, 3,5 saat uçuş müddəti, 130 km/saat sürət və 3000 metr hündürlük daxildir.
Pilotsuz uçuş aparatı iki kamera ilə təchiz olunub: Çinin “Shenzhen Zhongxi Security” şirkətinin istehsalı olan ön IP kamera və üç oxlu stabilizasiya sistemi, geniş bucaqlı “Full HD” kamera və 10 qat optik yaxınlaşdırma funksiyası olan D-80AI optik sistemi.
Sistem həmçinin gecə görmə imkanlarına və süni zəka texnologiyaları ilə real vaxtda hədəf aşkarlama və izləmə funksiyasına malikdir.
Uçuş idarəetmə sistemi İsveçrənin “STMicroelectronics” markalı mikroprosessorları əsasında qurulub.
Radioelektron mübarizə mühitində naviqasiya üçün dördkanallı CRP antenası istifadə olunur.
Pilotsuz uçuş aparatının hərəkəti iki Çin istehsalı “SunnySky” elektrik mühərriki ilə təmin edilir.
Ümumilikdə aparatın tərkibində ABŞ-yə aid 33 və İsveçrəyə aid 5 komponent müəyyən edilib.
Sevinc Əliyeva
Ordu.az
