İsrailin “Ynet” nəşrinin siyasi şərhçisi Bəqayinin “ABŞ və İranın danışıqlar qruplarının texniki heyətləri bundan sonra təkliflər mübadiləsi aparacaqlar” fikrinə diqqət çəkib. İsrailli şərhçinin fikrincə, bu, ABŞ və İranın “bir gün ərzində prinsipial razılığa gələ bilməyəcəyini, lakin bu imkanın hələ tam tükənmədiyini” göstərir.

İran-ABŞ danışıqlarına İsrail demək olar ki, birbaşa cəlb olunub və məqalə müəllifi, böyük ehtimalla, məxfi xarakterli məlumatlardan istifadə edib. Onun təqdimatına görə, İslamabadda tərəflər əsasən Hörmüz boğazında sərbəst gəmiçiliyin bərpası məsələsini müzakirə ediblər. Buna əsasən, ABŞ boğaz üzərində İranın tam səlahiyyətini qəbul etmir, lakin “əvvəlki rejimin bərpası müqabilində Tehranın nə gözlədiyini dinləməyə hazırdır”.

“Yaxın vaxtlarda nə gözlənilir?” sualına israilli siyasi şərhçi kifayət qədər nikbin cavab verir. O hesab edir ki, yaxın günlərdə Tramp “Livan ərazisində atəşin dayandırılmasını tələb edəcək və İsrail buna tabe olacaq”, bundan sonra isə “atəşkəsin uzadılması ilə bağlı ABŞ tərəfinin bəyanatı veriləcək”.

Həqiqətən də, heç kim İslamabad danışıqlarında ABŞ və İranın hərtərəfli razılığa gələcəyini gözləmirdi. Əsas məsələ, israilli müəllifin də vurğuladığı kimi, təxminən yarım əsrlik fasilədən sonra tərəflərin yüksək səviyyəli nümayəndələrinin, vitse-prezident Vensin və parlament sədri Qalibafın üz-üzə görüşü, dialoqun başlanmasıdır.

Aqil Məmmədov
Ordu.az