Ordu.az xəbər verir ki, bu barədə UNN “Radio Azadlıq/Radio Azad Avropa”nın Rusiya xidmətinə istinadən məlumat yayıb.

Müdafiə nöqtələrinin sayı Moskvanın müdafiəsi ilə müqayisədə cəmi beş dəfə azdır.

Rusiya prezidenti Vladimir Putinin Valdaydakı iqamətgahı, media məlumatlarına görə Alina Kabayeva və onların oğullarının tez-tez qaldığı məkan, 12 hava hücumundan müdafiə mövqeyi ilə əhatə olunub.

Media “Yandex”in yeni peyk görüntülərini və “Yandex.Mirrors” xidmətindən olan fotoları təhlil edib.

Qeyd olunur ki, aşkarlanan mövqelərin əksəriyyəti Valday iqamətgahının ətrafında xüsusi qüllələrdə yerləşdirilmiş “Pantsir” kompleksləridir.

Jurnalistlər bildiriblər ki, onlar 2024-cü ilin sonundan etibarən iqamətgahın ətrafında “Pantsir” yerləşdirilmiş qüllələrin yerləri barədə məlumat toplamağa başlayıblar.

Bu hava hücumundan müdafiə mövqeləri barədə məlumatlar jurnalistlərin yaratdığı interaktiv xəritəyə də əlavə edilib.

Bundan əlavə, media 2023-cü ilin fevralında “Proekt” nəşrinin araşdırmasına istinad edir, həmin araşdırmada Valdaydakı iqamətgahın yaxınlığında Alina Kabayeva üçün xüsusi tikilmiş ev barədə məlumat verilmişdi. Araşdırmaya görə, bu obyektə hətta ayrıca dəmir yolu xətti də çəkilib.

“Radio Azadlıq/Radio Azad Avropa”nın hesablamalarına görə, Valdaydakı iqamətgah ətrafında yerləşdirilmiş 12 hava hücumundan müdafiə mövqeyi 2022-ci ildən etibarən OSINT həvəskarlarının köməyi ilə Moskva və Moskva vilayətində müəyyən edilmiş mövqelərin sayından cəmi beş dəfə azdır. Söhbət 20 milyondan çox əhalisi olan regiondan gedir.

Xatırladaq ki, 2025-ci ilin dekabr ayının sonunda Rusiyanın xarici işlər naziri Sergey Lavrov bəyan etmişdi ki, guya Ukrayna Rusiya Federasiyası prezidentinin dövlət iqamətgahına hücum edib və Moskvanın danışıqlar mövqeyini yenidən nəzərdən keçirəcəyi ilə hədələmişdi. Lakin Rusiya tərəfi bu hücumla bağlı inandırıcı sübut təqdim edə bilməmişdi.




Sevinc Əliyeva
Ordu.az