Ordu.az xəbər verir ki, bu barədə “Politico” məlumat yayıb.

Avropa Şurasının Prezidenti kimi Aİ-nin 27 liderini təmsil edən Koşta bazar ertəsi Trampa bildirib ki, “mülki infrastruktura, xüsusilə enerji obyektlərinə istənilən hücum qanunsuz və qəbuledilməzdir”.

O qeyd edib ki, bu meyarlar həm “Ukraynada Rusiyanın müharibəsinə, həm də hər yerdə” tətbiq olunmalıdır.

Lakin Aİ-nin digər liderləri kimi, Koşta da Tramp “bu gecə bütöv bir sivilizasiya məhv olacaq və bir daha bərpa olunmayacaq” dedikdən sonra sükutunu qoruyub.

ABŞ Prezidenti körpülərə, su təmizləyici stansiyalara və enerji sistemlərinə zərbələr endiriləcəyinə eyham vurmuşdu.

“Politico” qeyd edir ki, mülki infrastruktura belə qəsdən hücumlar hərbi cinayət sayıla bilər.

Avropa ölkələri, Tramp ilə ortaq dil tapmağa fasiləsiz çalışdıqları bir vaxtda, bu dəfə vahid mövqe nümayiş etdirməyə cəhd ediblər.

Onlar istəyirlər ki, Tramp eyni beynəlxalq normaları Vladimir Putinə münasibətdə də qorusun.

“Əksər Aİ ölkələri, hətta bəlkə də hamısı narahatdır”, - deyə adının açıqlanmasını istəməyən bir diplomat bildirib və əlavə edib ki, “ikili standartlar”dan yayınmaq lazımdır.

Nəşrin həmsöhbətinin sözlərinə görə, hökumətlər belə deyəcəklər: “Siz həmişə sabitliyi, qanunun aliliyini və çoxtərəfli dünya nizamını təbliğ etmisiniz və artıq dörd ildir eşidirik ki, mülki infrastruktura Rusiyanın zərbələrini necə pisləyirsiniz”.

Sevinc Əliyeva
Ordu.az