Ordu.az xəbər verir ki, bu barədə AFP məlumat yayıb.

Agentliyin məlumatına görə, Tramp Hörmüz boğazında gəmiçiliyin bərpası ilə bağlı qeyri-müəyyənlik fonunda “uzunmüddətli saziş” üçün möhkəm əsasın mövcudluğunu vurğulayıb.

“Bizim 15 bəndlik razılaşmamız var və onun böyük hissəsi artıq razılaşdırılıb. Sonra nə olacağını görəcəyik. Baxacağıq ki, bunu həyata keçirə biləcəyikmi”, - deyə Amerika lideri agentliyə bildirib.

AFP əlavə edir ki, Tramp saziş ləğv edilərsə, İranın mülki elektrik stansiyalarını və körpülərini məhv etməklə bağlı “ilk təhdidlərinə” qayıdıb-qayıtmayacağını deməkdən imtina edib.

Tramp həmçinin vurğulayıb ki, İranın uranı zənginləşdirmə proqramı istənilən sülh sazişində müzakirə olunacaq.

Sevinc Əliyeva
Ordu.az