Ordu.az xəbər verir ki, bu barədə Donald Tramp “Truth Social” sosial şəbəkəsində yazıb.

“Pakistanın Baş naziri Şahbaz Şərif və feldmarşal Asim Munirlə apardığım danışıqlara əsasən, onlar məndən bu axşam İrana qırıcı qüvvələr göndərməkdən çəkinməyi xahiş etdilər və İran İslam Respublikasının Hörmüz boğazının tam, dərhal və təhlükəsiz açılmasına razılıq verməsi halında, mən İranın bombalanmasını və hücumları iki həftəlik dayandırmağa razıyam.

Səbəb ondan ibarətdir ki, biz artıq bütün hərbi məqsədlərə nail olmuş və onları aşmışıq, həmçinin İranla uzunmüddətli sülh və Yaxın Şərqdə sülhlə bağlı yekun razılaşmanın əldə olunması məsələsində çox irəli getmişik. Biz İrandan 10 bəndlik təklif almışıq və hesab edirik ki, bu, danışıqlar üçün məqbul əsasdır”, - deyə Tramp bildirib.

Onun sözlərinə görə, bu, ikitərəfli atəşkəs olacaq.

“ABŞ və İran keçmişdə demək olar ki, bütün müxtəlif fikir ayrılığı nöqtələri üzrə razılığa gəliblər, lakin iki həftəlik müddət yekun razılaşmanın əldə olunmasına imkan verəcək. ABŞ adından, mən Prezident kimi, eləcə də Yaxın Şərq ölkələri adından dərin şərəf hissi keçirirəm ki, bu uzunmüddətli problem həllə yaxındır. Bu məsələyə diqqətinizə görə təşəkkür edirəm”, - deyə Tramp yazıb.



Sevinc Əliyeva
Ordu.az