Paşinyan əsəbiləşib: “Mehrini çıxaran da, buna şübhə edən də başını divara vurub, başa düşdük bir-birimizi?”
Oxunub: 442
21:38
14 Mart 2026
Partiyadaxili təbliğat kampaniyası çərçivəsində Aqarak şəhərində olan Ermənistan Baş naziri Nikol Paşinyan bu gün bir erməni sakinin iradından sonra yenidən əsəbiləşib.
Ordu.az xəbər verir ki, bu barədə Ermənistan KİV-ləri məlumat yayıb.
Erməni sakin Paşinyanın sinəsinə yapışdırılmış xəritədə Mehrinin görünmədiyini qeyd edib.
“Əgər Mehri çıxarılıbsa, sən harada dayanırsan? Bəlkə sən də burada deyilsən, xəbərimiz yoxdur? Bəs nə deyirsən ki, Mehri çıxarılıb? Mehrini çıxaran da, buna şübhə edən də başını divara vurub, başa düşdük bir-birimizi? Belə xəbərlər yayanlar da başlarını divara vurublar, oldu?”, - deyə o bildirib.
