Ordu.az xəbər verir ki, bu barədə xarici KİV-lər məlumat yayıb.

Bu addım təhlükəsizlik səbəbləri ilə atılıb.

Nazirliyin sözçüsü Liana Zotou bildirib ki, bu qərar İran paytaxtında təhlükəsizlik vəziyyətinin pisləşməsi ilə bağlıdır və mövcud şərait diplomatik nümayəndəliyin təhlükəsiz fəaliyyət göstərməsinə artıq imkan vermir.

Məlumata görə, İrandan Yunanıstan vətəndaşlarının geri qaytarılması ilə bağlı müraciətlər yoxdur. Çünki orada yaşayan yunan vətəndaşlarının sayı çox azdır və əsasən diplomatik nümayəndəliyin əməkdaşları və onların ailə üzvlərindən ibarətdir.

Təhlükəsizlik səbəbləri ilə köçürülmənin detalları açıqlanmır və proses hazırda davam edir.

Sevinc Əliyeva
Ordu.az