Ordu.az xəbər verir ki, bu fikirləri bu gün Avstriya Respublikasının sabiq Federal Kansleri Sebastian Kruz XIII Qlobal Bakı Forumu çərçivəsində "Qlobal Təhlükəsizlik və Güc Balansı: Beynəlxalq Hüquqa Hörmət – Yeni Məsələlər, Yeni Çağırışlar" adlı paneldə çıxışında bildirib.

Kruz bildirib ki, Yaxın Şərqdə baş verənlərə dərindən baxdıqda görürük ki, terrorizmin maliyyələşdirilməsi çox vaxt İran rejimindən qaynaqlanır:

"Regiondakı bir çox terror qruplarının ideoloji əsasları da İran rejimi ilə sıx əlaqəlidir. Bu əlaqələr yalnız Yaxın Şərqlə məhdudlaşmır, Avropada da müşahidə olunur. Məsələn, HƏMAS və digər silahlı qrupların İran rejimi tərəfindən dəstəkləndiyini görmək mümkündür.

Burada gördüyümüz şey klassik müharibə deyil, lakin bölgədə hücumlar, terror və daimi təhlükə ilə müşayiət olunan bir vəziyyətin şahidi oluruq.

Hüquqi baxımdan, cavab tədbirlərinin və ya müharibə ssenarisinə daxil olmağın nə dərəcədə qanuni olduğunu əsaslandırmaq çətin olsa da, eyni zamanda başa düşməliyik ki, XXI əsrdə təhlükələrin xarakteri dəyişib.

Məsələn, Avropaya baxdıqda, Rusiyadan Berlinə, Brüsselə və ya Vyanaya raket zərbəsi endirilməsi ssenarisi yaxın illər üçün ən real ehtimal kimi görünmür. Lakin hibrid müharibə ssenarisi – kiberhücumlar, terror, dronların hava limanlarını və digər mühüm infrastruktur obyektlərini ciddi problemlərlə üz-üzə qoyması olduqca real görünür".

Ordu.az